Вести

Томас Делфино / Животот и авантурите на про сноубордер

Томас Делфино / Животот и авантурите на професионален сноубордер

Томас Делфино живее во т.н. „главен град на Алпите“, Гренобл, Франција. Репутацијата во светот на сноубордот ја гради континуирано преку својот неверојатно елегантен стил на бордање, како и големо познавање на „фри-рајдот“ и турните искуства со сплит-борд. Тој е амбасадор на светски познатиот бренд за сплит-борд везови, Spark R&D. Бидејќи е професионален сноубордер, негвоите зими се исполнети со многу ангажмани. Изминатата сезона, Томас со мала екипа на професионални скијачи и бордери направи неколку неверојатни спуштања низ импресивните Тодрило планини во Алјаска. Во Македонија доаѓа по втор пат, откако во февруари годинава, беше дел од ски/сноуборд проект со Номадскиот автобус посетувајќи неколку земји низ Балканот, вклучително и Шарпланинскиот масив во Македонија. Кога не е зима, Делфино се занимава со качување и сурфање. За неговата посветеност на недопрените терени и турното бордање, Томас вели, „се надевам сплит-бордот ке продолжи да ми го дава она што веќе ми го дава. А тоа е, да сум во непосреден контакт со природата и да ги доживувам најубавите чувства. Тоа ми е најважно.“
На овогодинешното издание на ЕХО, Делфино ќе ни долови дел од неговиот живот и авантурите како професионален сноубордер.



Партнери

Поддржано од

Член на: