„Лути лисици и извиени патишта“, Стив Реми Вокер, Швајцарија, 2022, 26’

Јан си има замислено да вози со својот друмски велосипед, во еден ден, од Берн (Швајцарија) до Јужен Тирол (Италија). Тоа е возење од околу 390 километри, што изгледа изводливо, но на тоа треба да се додадат и шест големи искачувања на планински превои! Така, тој има доста време за размислување: околу тоа зошто му се потребни вакви авантури, а зошто на други луѓе – не. Ова е философско возење, во кое главниот актер си игра со смислата и бесмисленоста на предизвикувањето на самиот себе.