Освалд Родриго Переира е полски филмски режисер и кинематограф. Автор на документарни филмови кои ги доловуваат суровите емоции на алпинистите додека се обидуваат да се искачат на највисоките врвови на Земјата. Освалд лично се има искачено на пет врва повисоки од осум илјади метри и тоа без употреба на дополнителен кислород или поддршка од Шерпаси. Во текот на изминатите две години, тој формираше динамично партнерство за качување со Бартек Зиемски. Заедно тие се качија на четири врва повисоки од 8000 метри, при што Бартек скијаше надолу, додека Освалд ги снимаше овие извонредни подвизи.
Неговиот последен филм „Тивко бегство“ ја истражува сложената динамика на партнерството и интензивните емоции што се појавуваат во пустошот на највисоките врвови на планетата - искуство што е во целосна спротивност со рутините на секојдневниот живот. Сниман за време на амбициозната експедиција во Анапурна и Даулагири, филмот се фокусира на Бартек Зиемски, чија цел не е само да се искачи на овие врвови, туку и да направи спуштање со скии од двата. „Зоната на смртта, од филмска перспектива“ - во својата презентација, Освалд Родриго Переира ќе го сподели своето искуство од прва рака за снимањето во Хималаите и Каракорум. Неговото патување во снимањето филмови на голема височина, започна во зимата 2018 година, кога се приклучи на својот прв проект во планините како репортер. Оттогаш, Освалд учествуваше во девет експедиции, секоја одбележана со неговиот уникатен пристап: тој се искачува во мал, независен тим, без дополнителен кислород или поддршка од Шерпаси, носејќи ја не само својата сопствена алпинистичка опрема, туку и опремата за снимање.Освалд развил издржливост и дисциплина на професионален спортист, но неговата вистинска цел е да раскаже моќни, автентични приказни од срцето на планините. Неговата работа се вкрсти со некои од најпознатите иконски моменти во поновата историја на алпинизмот, вклучувајќи го и првото зимско искачување на К2 од непалски тим. Трагично, за време на истата експедиција, петмина пријатели на Освалд загинаа, момент кој длабоко ја обликуваше неговата перспектива и му ги отвори очите кон емоционалната длабочина на оние кои преживеаја откако ги загубија најблиските во планините.
Приказната на Освалд е една од извонредните трансформации - од дете кое боледува од тешка астма, на кое му е забрането да учествува во спортови, до сонувач кој наспроти сите шанси, стана алпинист и режисер со пет искачени врва од 8000 метри. Неговата еволуција и како алпинист и како раскажувач ја одразува издржливоста и духот потребни за да се движите не само по највисоките врвови, туку и по емотивните пејзажи што доаѓаат со нив.
Презентацијата и најновиот филм на Оскар се на програмата на 23ти октомври (среда), во Кинотека. Освалд е гостин на Ехо, благодарение на повторната поддршка од Амбасадата на Република Полска - повеќе години посветена на промоција на богатата полска планинска култура преку нашиот Фестивал 
