Ексклузивна средба со Филип Бабич – исклучително сестран алпинист и качувач, кој практикува дисциплини на највисоко ниво: како што се брз и лесен алпинизам, зимско качување, „drytooling“ - качување со орудија за мраз по сува карпа, „highballing“ - качување на многу високи болдери, „deep water soloing“ - качување без јаже над водена површина... Но, неговата неспорна специјалност е брзо, соло, слободно качување.

За време на својата презентација, Филип ќе ги сподели со нас, дел од неговите најневеројатни достигнувања. Минатата година ја шокираше планинската заедница, со тоа што ги поврза четирите гребени на Матерхорн за помалку од осум часа, исцртувајќи голема „осмица“ по неговите гребени! Во масивот на Мон Блан, го искачи 570-метри совршениот гранит на Гранд Капусин за само 49 минути! Едно од неговите најсмели достигнувања е првото соло искачување со јаже во историјата на „гритстон“ качувањето, на насока со тежина Е9. Станува збор за насоката „Состанок со смртта“ - икона во Пик Дистрикт во Англија...

За ова и многу повеќе ќе ни раскаже Филип – полски алпинист со единствена приказна, кој веќе повеќе од 20 години живее во Италија, во долината Аоста под Мон Блан, каде што ја гради својата кариера постигнувајќи подвизи на самата граница и повторно дефинирајќи што е возможно.

 Презентацијата на Филип е на програмата на 24ти октомври (петок), во Кинотека.

 Филип е гостин на Ехо, благодарение на повторната поддршка од Амбасадата на Република Полска - повеќе години посветена на промоција на богатата полска планинска култура преку нашиот Фестивал